Apeqqutit Akissutillu - FAQ

Biilit amerlanerpaat Tyskland-imi nassaarisarpagut. Sverige-mili aamma ujaasisinnaalluta.

Biilit suut pisiariniarneritit apeqqutaavoq. Ilai akikitsuusinnaapput ilaalu akisunerusinnaasarlutik.

Biilit pisiassatit nassaarigutsigit, pisiniarfigisannit købekontrakt-imik faktura-millu nassiussisoqassaaq.

Pingaaruteqarpoq: Købekontrakt-iliunnginnermi Pas imaluunniit Kørekort-ip kopivi Au2 Arctic-imut apuunnissai.

Maluginiassavat: Nunatsinniit Tyskland-imut aningaasanik nuussineq ilaatigut sivisusinnaasarmat, ilaatigut ullut suliffiit 5-7 ingerlanerani aatsaat pisiniarfivit takusinnaasarpaat.

Maluginiassavattaaq: Tyskland-imi biilinik pisiniarlutit købekontrakt atsiorukku, atsioreerneranit unitsiinnarneqarsinnaanngimmat. Unitsitsiinnaraanni biilit 15% naligat Tyskiniit akiligassiissutigineqarsinnaavoq.

Købekontrakt-imik atsioruit, Au2 Arctic-ip sullissinerminut atatillugu akiligassamittaaq nassissavaatit.

Akiliutitit pisiffissavit tigugunikkit, CoC (Certificate of Comformity) biilit ilumoortuunerinik uppernarsaatit nassiunneqassapput. Taassuma saniatigut ZBII (ZB2) apuunnissaa utaqqimaassavarput. Tamanna ulluni 2-5 ingerlanerani apuuttarpoq, ilaannili tuniniaasup allaffianeereertarput.

ZB2 takkuppat, biilissatit assartorneqarnissamut piariissapput.

Biilit sumiinneri naapertorlugit assartuineq uagut isumagissavarput "Aqqutaa tamaat" - tassa imaappoq: Biilitit Berlin-imiippata, uagut isumagissavarput isumannaatsumik aaneqassasut, talittarfiillu Royal Arctic Line-p tikittagai, ilaatigut Bremerhaven Tyskland-imiittoq imaluunniit Århus-imut apuunneqareerunik Nunatsinnut umiarsuarmut siullermut ilaatinniarneqartarumaarput.

Akitsuutit utertinneqarsinnaaneri (VAT/Moms) eqqarsaatigalugit, innersuussutigerusupparput tuniniaasumit biilit pisiarineqassasut (Forhandler). Tuniniaasoq inuinnaappat akitsuutit utertinneqanngeriataarsinnaanerat taamaalilluta pinaveersaassavarput.

Nunatta avataani pisiniaravit - ajornartorsiuteqariataalerpat tamanna ilungersunarsinnaavoq. Taamaattorli biilit amerlanerpaat naliginnaasumik Nunatsinni biilileriffinnit isumagineqarsinnaasarput.

Au2 Arctic-imiit qulakkeerniartarparput, biilissatit sapinngisamik service-riigaareersimassasut.

Moms/VAT utertinneqarsinnaasarput, EU-miit talittarfimmiit EU-p avataanut (Nunatsinnut) nassiussineq naammassinerata kingorna.

Sullissisutta MRN atorlugu siumut nalunaarutigisarpai Nunatsinnut nassiunneqannginnerani.

Iluatsitsilluarnermi, Nunatsinnut tikinnerani utertinneqarsinnaanngortarput - forhandlerilli ilaasa piumasarisarpaat Danskit Skattestyrelse-aniik uppernarsaat tigoqqaarlugu aatsaat utertitsissallutik.

Tamanna ilaatigut sap. ak. 2-6 iluani aatsaat pisarmat utaqqineq eqqarsaatigisariaqarpoq.

MOMS/VAT utertinneqarniarpata naliginnaasumik piumasaqaataasarpoq:
* Nunatsinni nummerpladeqalersimanerinut uppernarsaat (Asseq GR/GL normulik)
* Nunatsinni biilit najugaqarneranut uppernarsaat (Registreringsattest)
* Sullissisuttalu MRN immersorsimasaata nassiunneqarsimanera

MOMS/VAT utertinneqanngitsut, Au2 Arctic-ip akisussaaffiginngilai, naammassineqarnissaanullu sullissinerput ingerlattarparput.